واسعدي سيدي جاني
ونفرح بيه إيذا جاني
رحل البيضا زين القباب
سيدي الشيخ الرباني
رحل البيضا زين القباب
سيدي مفتاح لكل باب
انجي وندي من السباب
وانا عبدي حرطاني
انجي وندي من السباب
واعلى مول الفرعة احجاب
مول البركة والصواب
قاني من عند القاني
مول الكون والآداب
وعلوم الباطن والكتاب
اخليفة زين النساب
صهر النبي العدناني
سيدي الشيخ إمام القطاب
ترعى فيه اوحوش العداب
واتوسى و اومول الجواب
فضلي كوني واكواني
انت قلت انقيث الحباب
بقاو ابعاد ولا اقراب
معاك محال ابلا سباب
بين اخديم وروحاني
بتخيار التوبة اشباب
واتركت القوت مع الشراب
حطيت القصعة والباب
وادركت قطوب رباني
اتشوف اللي شق التراب
تصحيها ريح والا اطباق
ما عندي سيدي وين قاب
يوم اطراد النصراني
ياربي اتفاجي ذا الكراب
وافتح لينا باب الحجاب
سميع النملة في التراب
تسمع ما قال ايناني
اترضي لينا زين القباب
والناس اللي عندو اصحاب
و اللي صدو ولو الباب
مولاقين الرحماني
نطلب ربي والصالحين
والناس اللي مجاهدين
اصحاب النية كاملين
ناس الجود ولحساني
رضو ليا سيدي الزين
رحل البيضا دنيا ودين
حتى من بر الكافرين
جاب اللي بيه ابلاني
ايصلي الخمسة الواجبين
في بيت الله يا سامعين
اصحابو لقطاب الواصلين
واتبدل جيل ازماني
في الطلبة ما قعدو احكام
قير اللي يرشم في الزمان
ماكانو لاحلال لا حرام
حسدو امري فوقاني
واللي باقي في الدوام
و يقوم ادمي وافاش قام
تنجينا من هذا الظلام
بارضاتك يا سلطاني
أنا سيدي فال النجوع
من بيه انقصر في الجموع
سلاكين افراسين افزوع
يوم انطالب لدياني
رحل البيضا صور المنوع
وايقود الجابي في الطلوع
ضامن في ضيفي ما ايجوع
والدارينا الضماني
سعد اللي بايمانو نجوع
يجري عودو بالصروع
والمرء اللي قبلو قنوع
ما يعبد دار الفاني
ليست هناك تعليقات:
إرسال تعليق